اسلام آباد(ٹی این آئی)وفاقی وزیر چوہدری سالک حسین نے سابق وزیر اعظم راجہ پرویز اشرف سے ملاقات کی۔ ملاقات میں ملکی سیاسی صورت حال، پارلیمانی امور اور عوامی فلاح سے متعلق معاملات پر تبادلہ خیال کیا گیا۔ چوہدری سالک حسین نے کہا کہ سیاسی استحکام، موثر قانون سازی اور عوامی مسائل کے حل کے لیے پارلیمانی تعاون ضروری ہے۔ راجہ پرویز اشرف نے بھی قومی مفاد میں مل کر کام کرنے کی اہمیت پر زور دیا۔
