ڈپٹی کمشنر سیالکوٹ محمد ذوالقرنین کا رکن صوبائی اسمبلی چوہدری نوید اشرف کے ہمراہ تحصیل ڈسکہ کے موضع میانوالی بنگلہ کا دورہ،

سیالکوٹ(ٹی این آئی)ڈپٹی کمشنر سیالکوٹ محمد ذوالقرنین کا رکن صوبائی اسمبلی چوہدری نوید اشرف کے ہمراہ تحصیل ڈسکہ کے موضع میانوالی بنگلہ کا دورہ، بی آر بی نہر پر تعمیر پلوں پر ون وے ٹریفک کے بہاؤ کیلئے اسسٹنٹ کمشنر ڈسکہ کو ریونیو ریکارڈ کے مطابق روڈز کے اطراف میں نشاندہی کرنے کی ہدایت کی اور ٹریفک پولیس اور ریجنل ٹرانسپورٹ اتھارٹی اتھارٹی کے مقامی حکام کو پل پر ٹریفک مینجمنٹ پلان بنانے کی ہدایت کی۔ایڈیشنل ڈپٹی کمشنر ریونیو محمد اقبال، سابق رکن صوبائی اسمبلی چوہدری جمیل اشرف، اسسٹنٹ کمشنر ڈسکہ انور علی کانجو، سی او ضلع کونسل الفت شہزاد،سیکرٹری آر ٹی اے مظفر حیات، ہائی وے ڈویژن، اور ٹریفک پولیس کے مقامی حکام بھی اس موقع پر موجود تھے۔ ڈپٹی کمشنر سیالکوٹ محمد ذوالقرنین نے بی آر بی پر پرانے پل کو ضروری مرمت کے بعد موٹر بنانے کی ہدایت کی۔ انہوں نے کہا کہ دستیاب انفراسٹریکچر کو مفاد عامہ میں استعمال میں لایا جائے۔ انہوں نے سی او ضلع کونسل الفت شہزاد کو ہدایت کی کہ میانوالی بنگلہ میں ٹریفک کی روانی میں رکاوٹ بننے والی ہر قسم کی تجاوزات کے خلاف کارروائی عمل میں لائیں۔