کاروبار

ورلڈبینک نے پاکستانی اقدامات کو قابلِ ستائش قرار دیدیا

اسلام آباد(ٹی این آئی )ورلڈ بینک کے نائب صدر نے کرونا روک تھام کے لیے اٹھائے جانے حکومتی اقدامات کو قابلِ ستائش قرار دے دیا اور کہاکہ حکومتی اقدامات کی وجہ سے پاکستان بڑے نقصانات سے محفوظ رہا۔ جمعرات کو وفاقی وزیر برائے اقتصادی امور خسروبختیار کی زیرصدارت عالمی بینک کے فنڈڈ پروجیکٹ سے متعلق جائزہ اجلاس ہوا۔ جس میں متعلقہ اداروں کے افسران اور ورلڈبینک کے حکام نے شرکت کی۔اجلاس میں ورلڈبینک کے وفاق، سندھ اور بلوچستان میں جاری منصوبوں پر گفتگو کی گئی۔ یاد رہے کہ ورلڈ بینک کے پاکستان میں جاری پروجیکٹس کا حجم 10.4 بلین ہے۔وفاقی وزیر نے عالمی بینک کے پاکستان میں جاری منصوبوں اور پائپ لائن منصوبے پر بھی گفتگو کی۔اجلاس کے شرکا سے گفتگو کرتے ہوئے وفاقی وزیر کا کہنا تھا کہ عالمی بینک کے ساتھ اقتصادی تعاون کے دائرہ کار کو مزید وسیع کریں گے، ترقیاتی منصوبے ملک میں سماجی و اقتصادی ترقی کے ضامن ہیں۔خسرو بختیار کا کہنا تھا کہ کرونا کے باعث معاشی مسائل سے نمٹنے کیلئے عالمی بینک کے تعاون کو سراہتے ہیں، حکومتِ پاکستان معاشی سرگرمیوں کو فروغ دے رہی ہے تاکہ معیشت ایک بار پھر مستحکم ہوسکے۔ ورلڈ بینک کے نائب صدر کا کہنا تھا کہ پاکستان کاکرونا پر قابو پانا قابل ستائش عمل ہے، حکومتی اقدامات کی وجہ سے پاکستان بڑے نقصانات سے محفوظ رہا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button