159 ایکڑ رقبہ پر محیط پسرور کیڈٹ کالج تیزی سے ترقی کی منازل طے کررہا ہے،کمشنر گوجرانوالہ

سیالکوٹ(ٹی این آئی) کمشنر گوجرانوالہ ڈویژن سید نوید حیدر شیرازی نے کہا ہے کہ پسرور کیڈٹ کالج کو علاقہ کی بہترین تعلیمی درسگاہ بنانے کیلئے پر عزم ہیں، اس مقصد کے حصول کیلئے کیڈٹ کالج میں صحت مند تعلیمی ماحول اور سرگرمیوں کو پروان چڑھایا جائے گا.

 

جس سے زیر تعلیم کیڈٹس کو معیاری تعلیم کے ساتھ ساتھ ان کی کردار اور شخصیت مثبت اثرات مرتب ہونگے اور یہاں سے فارغ التحصیل طالب علم ناصرف عملی زندگی میں کامیاب ہونگگ بلکہ معاشرے کے مفید شہری بنے۔ ان خیالات کا اظہار انہوں نے پسرور کیڈٹ کالج کی 19 ویں ایگزیکٹو کمیٹی کے اجلاس کی صدارت کرتے ہوئے کہی۔ ڈپٹی کمشنر محمد ذوالقرنین، پرنسپل کرنل ریٹائرڈ جاوید علیم، لیفٹیننٹ کرنل عدنان، اسسٹنٹ کمشنر پسرور قمر منج بھی موجود تھے۔ کمشنر گوجرانوالہ ڈویژن سید نوید حیدر شیرازی نے کہا کہ 159 ایکڑ رقبہ پر محیط پسرور کیڈٹ کالج تیزی سے ترقی کی منازل طے کررہا ہے،کیڈٹ کالج میں زیر تعلیم بچوں کو آئی ٹی، سپورٹس، جم سمیت میس کی بہترین سہولیات کی فراہمی کو یقینی بنایا جارہا ہے،کالج میں ضابطہ اخلاق پر سختی سے عملدرآمد کروایا جائے گا تاکہ نظم و ضبط انکی زندگی کا حصہ بن سکے، اساتذہ کی کیپسٹی بلڈنگ کے لئے کورسسز کروائے جائیں گے تاکہ وہ بھرپور صلاحیت کے ساتھ اپنے فرائض منصبی انجام دیں سکیں۔

 

انہوں نے کہا کہ کیڈٹ کالج پسرور میں ایسا ماحول بنایا جائے گا جس میں کیڈٹس کی ذہنی و جسمانی نشوونما کو فروغ حاصل ہو۔ کمشنر گوجرانوالہ ڈویژن نے پرنسپل پسرور کیڈٹ کالج کی جانب سے نئے اکیڈمک اور ہم نصابی پروگرام کے اجراء پر سراہتے ہوئے ہدایت کی کہ کیڈٹ کالج پسرور میں زیر تعلیم ہر بچہ ادارے کیلئے نیک نامی کا باعث بنے اور اپنے والدین کیلئے فخر بن سکیں۔ انہوں نے کہا کہ پرنسپل کو ہدایت کی کہ وہ سولر سسٹم کی تنصیب کیلئے منصوبہ بنا کر دیں جس پر کام کروایا جائے گا۔ کمشنر گوجرانوالہ ڈویژن نے ایگزیکٹو کمیٹی کے اراکین پر زور دیا کہ وہ ادارے کی بہتری کیلئے اپنا ایکٹیو رول ادا کریں۔ پرنسپل کیڈٹ کالج نے ایگزیکٹو کمیٹی کے ممبران کو کیڈٹ کالج کی کارکردگی، مستقبل کے اہداف اور درپیش چیلنجز کے بارے بریفنگ دی۔ بعد ازاں کمشنر گوجرانوالہ نے کیڈٹ کالج کے مختلف حصوں کا دورہ کیا۔

 

قبل ازیں کمشنر گوجرانولہ ڈویژن سید نوید حیدر شیرازی نے قائد اعظم ڈویژنل پبلک سکول جیسروالہ کیمپس ڈسکہ کا دورہ کیا اور 171.674 ملین روپےکی لاگت سے سکول کے ایڈمن بلاک اور بوائز سیکشن کی دوسری منازل اورجونیئر بلاک کا گراؤنڈ فلور کی تعمیر،ویٹنگ ایریا،پارکنگ شیڈ اور باؤنڈری وال بمعہ گیٹ کی تعمیر پر جاری کام کے معیار اور رفتار کا جائزہ لیا۔ انہوں نے کہا کہ تعمیراتی کام مقررہ ٹائم لائن کے اندر مکمل کیا جائے تاکہ تعلیمی سرگرمیوں کا دائرہ کار وسیع کیا جاسکے۔ انہوں نے کہا کہ منصوبے میں معیار پر ہر گز سمجھوتہ نہیں کیا جائے گا۔