لاہور(ٹی این آئی)وزیرِاعلیٰ پنجاب مریم نواز شریف کا رمضان المبارک کی آمد پر پیغام، اہل پنجاب سمیت تمام امت مسلمہ کو رمضان المبارک کی مبارک باد دی، کہا کہ تاریخ میں پہلی بار نگہبان رمضان پیکیج کے تحت لاکھوں نادارخاندانوں کو ان کی دہلیز پر راشن فراہم کیا گیا۔
وزیرِاعلیٰ پنجاب مریم نواز شریف کا کہنا تھا کہ رمضان المبارک کی برکتیں سمیٹنے کی سعادت نصیب ہونے پر اللہ کریم کے شکر گزار ہیں،رمضان صبر، تقویٰ، ایثار کا درس دیتا ہے۔
یہ مہینہ اللہ کی رحمتوں، برکتوں اور مغفرت کا موسم ہے، دُعائیں قبول ہوتی ہیں،دعا ہے کہ رمضان المبارک پاکستان کے لیے امن، ترقی اور خوشحالی کا پیغام لے کر آئے۔
تاریخ میں پہلی بار نگہبان رمضان پیکیج کے تحت لاکھوں نادارخاندانوں کو ان کی دہلیز پر راشن فراہم کیا گیا،پنجاب میں راشن کے لیے قطاروں کا خاتمہ کیا، ریاست نےمدد خود نادار افراد کی دہلیز پر پہنچائی۔
نگہبان رمضان پیکیج 2025 کے تحت 31 ارب روپے کو مالی معاونت مستحق خاندانوں تک براہ راست گھروں میں پہنچائی جا رہی ہے،رمضان المبارک میں محروم معیشت گھرانے کو 10 ہزار روپے دیے جا رہے ہیں تاکہ وہ ضروریات عزت و وقار کے ساتھ پوری کر سکیں۔
مریم نواز شریف کا کہنا تھا کہ پنجاب بھر میں سہولت رمضان بازار قائم کیے گے ہیں، افسران کو فیلڈ ڈیوٹیز تفویض کر دی گئیں،رمضان المبارک صرف عبادات نہیں، بلکہ ضرورت مندوں کا ہاتھ تھامنے اور سہارا بننے کا مہینہ بھی ہے۔
