فنانس بل کے مطابق مقامی گاڑیوں کے انجن کی امپورٹ پر ڈیوٹی کم کردی گئی

فنانس بل کے مطابق مقامی گاڑیوں کے خام مال اور سی کے ڈی پر ڈیوٹی 20 کے بجائے 15 فیصد ہوگی، ریڈیو براڈ کاسٹ ٹرانسمیٹرز پر بھی ڈیوٹی 20 سے کم کرکے 15 فیصد کی گئی ہے۔

ٹی وی براڈ کاسٹ ٹرانسمیٹر پر ڈیوٹی 20 کے بجائے 15 فیصد کردی گئی ہے۔

فنانس بل کے مطابق فارما سوٹیکل کے 381 خام مال پر ڈیوٹی صفر کردی گئی ہے، صنعتوں کے پیکیجنگ کے خام مال پر ڈیوٹی 10 سے کم کرکے 5 فیصد کی گئی ہے۔

یہ پڑھیں

ڈائیگنوسٹک کٹ پر ڈیوٹی 10 سے کم کرکے 5 فیصد کردی گئی ہے۔

علاوہ ازیں تیل اور گیس تلاش کرنے والی کمپنیوں کی مشینری اور پلانٹ پر ڈیوٹی میں کمی کی گئی ہے، پیٹرولیم کمپنیوں کی مشینری، پلانٹ اور خصوصی گاڑیوں پر ٹیکس 15 کے بجائے 10 فیصد ہوگا۔

فنانس بل کے مطابق پیٹرول اور ڈیزل پر 2.5 روپے کاربن لیوی عائد کی گئی ہے، فرنس آئل پر بھی 2.5 فیصد حساب سے 2665 روپے فی ملین تن کاربن لیوی عائد ہوگی۔

اسمگلنگ کی روک تھام کے لیے کارگو ٹریکنگ سسٹم عائد کی گئی ہے، ایل ای ڈی بلب کے خام مال کی امپورٹ پر ڈیوٹی صفر کردی گئی۔

فنانس بل کے مطابق اسٹیل کے خام مال پر ڈیوٹی 15 سے کم کرکے 10 فیصد کی گئی ہے، ٹیکسٹائل خام مال پر ڈیوٹی صفر کردی گئی ہے، انڈسٹریل، سلائی مشین پر ڈیوٹی ختم کردی گئی ہے۔