آج مسلم لیگ (ن) کے صدر شہباز شریف نہیں بلکہ پنجاب کے عوام کی ترقی گرفتار ہے'مریم اورنگزیب

لاہور(ٹی این آئی ) پاکستان مسلم لیگ (ن) کی مرکزی ترجمان مریم اورنگزیب نے کہا ہے کہ آج مسلم لیگ (ن) کے صدر شہباز شریف نہیں بلکہ پنجاب کے عوام کی ترقی گرفتار ہے ،قائدِ حزبِ اختلاف شہباز شریف گرفتار ہے اور نالائق ، نااہل چور اور جھوٹا ملک پرمسلط ہے ۔
انہوںنے اپنے بیان میں کہا کہ تحقیق مکمل ، ریفرنس جمع ، گواہان کا بیان قلمبند ٹرائل شروع ، لیکن عمران خان کے خوف نے شہباز شریف کو گرفتار کروا دیا ہے پنجاب کو 5500 میگاواٹ بجلی دینے والا آج گرفتا ہے اور خیبر پختونخواہ میں 350 ڈیمز کا فراڈ کرنے والا عوام پر مسلط ہے ۔
انہوںنے کہاکہ پنجاب میں چار میٹرو ، اورنج ٹرین دینے والا گرفتار ہے اور پشاور بی آر ٹی میں 120 ارب کے کھڈے کھودنے والا عوام پر مسلط ہے ،پنجاب کو پی کے ایل آئی ، کارڈیالوجی ، کڈنی سنٹرز ، دانش سکول ، ہسپتال ، سکول یونیورسٹیز دینے والا گرفتار اور ادویات چور عوام پر مسلط ہے ،کھربوں کے عوامی منصبوں میں قوم کے اربوں روپے کی بچت کرنے والا گرفتار اور فارن فنڈنگ میں اربوں کی منی لانڈرنگ کرنے والا ملک پر مسلط ہے ۔
ا نہوںنے کہاکہ شہباز شریف پر دھیلے کا الزام نہیں وہ گرفتار اور 23 خفیہ بے نامی اکا ئو نٹس والاملک پر مسلط ہے ، آٹا چینی چور ملک پرمسلط اور اور عوام کی ایک ایک لئے امانت سمجھ کر استعمال کرنے والا گرفتار ہے۔