پاکستان

بیگم صفدر اعوان کے ٹوئٹر اکائونٹ پر لاکھوں جعلی فالورز ہیں' فیاض الحسن چوہان

لاہور(ٹی این آئی)صوبائی وزیر اطلاعات فیاض الحسن چوہان نے کہا ہے کہ بیگم صفدر اعوان کے ٹوئٹر اکائونٹ پر لاکھوں جعلی فالورز ہیں،کیلبری دھاندلی اور جعلی قطری خط کی موجد بیگم صفدر اعوان ٹویٹر دھاندلی میں بھی سب سے آگے نکلیں،بیگم صفدر اعوان کے ٹویٹر اکائونٹ پر لاکھوں جعلی فالورز ہیں جو کسی اچنبھے کی بات نہیں۔
اپنے بیان میں انہوںنے کہاکہ بیگم صفدر اعوان کے ساڑھے 50 لاکھ فالوورز میں سے 80 فیصد جعلی ہیں، 50 لاکھ 19 ہزار فالوورز نے تو کبھی بیگم صفدر اعوان کے کسی ٹویٹ کو لائیک نہیں کیا۔فیاض الحسن چوہان نے کہا کہ بیگم صفدر اعوان کے فالوورز میں سے 20 لاکھ 37 ہزار فالوورز تو بالکل ڈیڈ ہیں اور کیلبری کوئین کے ایک ہزار 898 فالوورز نے ایک ہی دن میں اپنے ٹویٹر اکانٹس بنائے۔
انہوں نے کہا کہ بیگم صفدر اعوان کے تقریباً 10 لاکھ فالوورز کا اپنا کوئی فالوور ہی نہیں ہے جبکہ ان کے 10 لاکھ 40 ہزار فالوورز کے صرف 2 سے 5 فالوورز ہیں۔انہوںنے کہاکہ کیلبری کوئین بیگم صفدر اعوان کی چالاکیوں سے پاکستانی عوام واقف ہے انہوں نے لوگوں کی آنکھوں میں دھول جھونکنے کی ناکام کوشش کی۔انہوں ںے کہا کہ دھاندلی اور شریف خاندان ایک دوسرے کے لیے لازم و ملزوم ہو چکے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button