اینٹی کرپشن کی قبضہ مافیا کے خلاف دو بڑی کاروائیاں ،سولہ کروڑ چھپن لاکھ روپے کی سرکاری اراضی واگزار : گوہر نفیس
لاہور( ٹی این آئی )اینٹی کرپشن کی قبضہ مافیا کے خلاف دو بڑی کاروائیاں ،سولہ کروڑ چھپن لاکھ روپے کی سرکاری اراضی واگزار : گوہر نفیس ڈی جی اینٹی کرپشن پنجاب کی ہدایت پر اینٹی کرپشن نے قبضہ مافیا کے خلاف دو بڑی کاروائیاں کر کے کروڑوں روپے کی سرکاری اراضی واگزار کرا لی۔ قبضہ مافیا کے خلاف پرچہ درج کر لیا گیا ۔ تفصیلات کے مطابق اینٹی کرپشن نے سرگودھا کے علاقے لنگر والا پُل سے 16 کنال کمرشل اراضی واگزار کرا لی۔واگزار کرائی گئی اراضی کی مالیت نو کروڑ چھ لاکھ روپے ہے۔اینٹی کرپشن نے میلسی کے علاقے حسن شاہ میں قبضہ مافیا کے خلاف گرینڈ آپریشن کیا۔میلسی سے اینٹی کرپشن نے سات کروڑ پچاس لاکھ روپے کی 72 کنال 7 مرلہ سرکاری اراضی واگزار کرالی۔اینٹی کرپشن سرکل آفیسر شاہد نذیر کی نگرانی میں محکمہ آبپاشی کے افسران نے قبضہ مافیا کے ساتھ مشترکہ کاروائی کی۔ اینٹی کرپشن نے تمام اراضی واگزار کراکے متعلقہ محکموں کے حوالے کر دی۔
اس حوالے سے ڈی جی اینٹی کرپشن گوہر نفیس کا کہنا تھا کہ سرکاری املاک کی حفاظت اور نگرانی متعلقہ محکموں کی ذمہ داری ہے۔ دوبارہ قبضے کی صورت میں قبضہ مافیا کے ساتھ متعلقہ محکمہ کے خلاف بھی کاروائی عمل میں لائی جائے گی۔
