لاہور(ٹی این آئی)ن لیگ کے لاہور سے ارکان قومی اور صوبائی اسمبلی نے مریم نوازکو اپنے استعفے جمع کرا دیے۔
مریم نواز نے کہا کہ مینار پاکستان جلسہ تین بجے شروع ہونا چاہیے تھا، سوا5 بجے شروع ہوا، کچھ میڈیا چینلز نے اپنی مرضی کی جلسے کی ناکامی کی خبریں چلائیں۔
مریم نے کہا کہ جلسے میں شریک عوام شدید سردی اور تاخیر سے تھک چُکے تھے، جلسے کی کامیابی پرلاہور کے ممبران اسمبلی اور عوام کی مشکور ہوں۔
مریم نواز نے لانگ مارچ کے لیے تمام ممبران سے تین دن کے اندر تجاویز بھی مانگ لیں۔
ذرائع کے مطابق لاہور سے تمام ایم پی ایز اور ایم این ایز نے اپنے لیٹر ہیڈز پر مریم نواز کو استعفے جمع کروا دیے۔
