ق لیگ کے سربراہ چوہدری شجاعت حسین بھی بول پڑھے وزیراعظم پاکستان عمران خان کو کچھ یاد کروا دیا۔

لاہور(ٹی این آئی) سابق وزیر اعظم چوہدری شجاعت حسین نے کہا کہ وزیر اعظم پاکستان عمران خان، سپیکر قومی اسمبلی کی سربراہی میں بننے والی کمیٹی کو عوام کے مسائل ترجیح بنیادوں پر حل کرنے کا کہیں۔انہوں نے کہا اختلافات بھلا کر عوام کے بنیادی مسائل حل کرنے پر توجہ دی جائے جن بنیادی مسائل میں مہنگائی، بے روزگاری اور قیمتوں پر کنٹرول کرنا شامل ہے۔ حکومت سب سے پہلے اپنی تجاویز میں یہ دیکھیی کہ مہنگائی اور بے روزگاری کی وجہ کیا ہے ،کیسے پیدا ہوئی اور کس نے پیدا کی انہوں نے کہا کہ
کمیٹی دیکھے مہنگائی کو دور کرنے کیلئے کیا اقدامات اٹھائے جائیں۔ باقی مسائل میں ووٹوں کو نوٹوں سے بچانے کیلئے اقدامات بھی شامل ہیں۔ بے شک مارشل لاء سے اختلافات ہو سکتے ہیں مگر پچھلے چاروں مارشل لاء کی مثالیں دی جا سکتی ہیں۔مارشل لاء دور میں قیمتوں پر کنٹرول اور مہنگائی کے خاتمے کے لئے پہلے دو ہفتوں میں اقدامات کیے تھے مارشل لا دور کے وہ اقدامات آج بھی عوام کو یاد ہیں۔چوہدری شجاعت حسین نے کہا کہکمیٹی کو چاہیے مہنگائی، بے روزگاری اور عوام کے دوسرے مسائل کے حل کے لئے تجویز پیش کرےساری میٹنگوں میں سیاسی مسائل کی طرف توجہ دے کر وقت ضائع نہ کیا جائے، ووٹ کو نوٹ سے بچانے کیلئے اور منصفانہ الیکشن کروانے کیلئے بھی تجاویز دیں۔
کمیٹیاں ہمارے دور میں بھی بنتی رہی ہیں ان کمیٹیوں کی رپورٹیں آج بھی سرد خانے میں پڑی ہوئی ہیں۔رپورٹیں محنت سے تیار کیا جاتی ہے ان پر عملدرآمد کروانے کیلئے مصلحتوں سے کام لیا جاتا ہے۔انہوں نے کہا کہ عمران خان کو چاہیے کہ وہ وقت کا تعین کریں ورنہ یہ کمیٹی بھی کارپوریشن کمیٹی بن کے رہ جائے گی۔