لاہور(ٹی این آئی)اینٹی کرپشن کی ایل ڈی اے میگا کرپشن سکینڈل میں بڑی کامیابی اینٹی کرپشن نے ایل ڈی اے میں ایک ارب 44 کروڑ کی کرپشن کا منصوبہ ناکام بنا دیا اینٹی کرپشن کے مطابق ایل ڈی اے کےجعلی کاغذات پر الاٹ شدہ جوہر ٹاؤن کے 27 پلاٹوں کی الاٹمنٹ منسوخ کر دی گئی جعلی کاغذات پر الاٹ شدہ 27 پلاٹوں کی مالیت ایک ارب 44 کروڑ روپے بنتی ہے۔
اینٹی کرپشن نے کرپشن کے شواہد پر ایل ڈی اے افسران اور مفادکندگان کے خلاف مقدمہ درج کیا اینٹی کرپشن کے مطابق ملزم شاہد منیر نامی شخص نے اثرورسوخ استعمال کرتے ہوئے پلاٹوں کی جعلی الاٹمنٹ کروائی۔جعلی پلانٹس ظہیر احمد نامی شخص کے نام ٹرانسفر کئے گئے۔ظہیر نے بعد ازاں کچھ پلاٹ شاہد منیر کے نام ٹرانسفر کئے۔ اینٹی کرپشن کے مطابق جعل سازی سے 27 پلاٹ لاہور کے مہنگے علاقے جوہرٹاون میں الاٹ کئے گئے تھے۔جبکہ جعلی کاغذات میں ابراہیم وغیرہ کو زمین کے مالکان ظاہر کیا گیا تھا۔
اینٹی کرپشن کے مطابق پلاٹوں کی ٹرانسفر کی مد میں سرکاری فیس بھی خزانہ سرکار میں جمع نہیں کروائی گئی۔ایل ڈی اے افسران نے نے27 پلاٹ صرف پانچ دن میں جعل سازی سے ٹرانسفر کئے۔ اینٹی کرپشن نے بعد از انکوائری 27 پلاٹوں کی الاٹمنٹ کینسل کرنے کے لیے ایل ڈی اے کو لکھا۔
بعد ازاں اینٹی کرپشن کی ہدایت پر ایل ڈی اے حکام نے 27 پلاٹوں کی الاٹمنٹ خارج کردی ہے۔ اینٹی کرپشن کی بروقت کاروائی سے قومی خزانے کو ارب 44کروڑ روپے کا فائدہ پہنچا ہے اینٹی کرپشن کے مطابق منسوخ شدہ پلاٹ اب انکے اصل حقداران کو الاٹ کئے جائیں گے۔
