لاہور( ٹی این آئی)پاکستان پیپلزپارٹی پنجاب کے صدر قمر زمان کائرہ نے کہا ہے کہ پی ڈی ایم متحد ہے اس میں اختلاف کی باتیں کرنے والے بے خبر ہیں،موزوں وقت پر استعفے بھی دیں گے ، حکمرانوں کی چھٹی کرانا ہدف ہے۔
اپنے بیان میں قمر زمان کائرہ نے کہا کہ پی ڈی ایم سیاست میں اداروں کی مداخلت ختم کرانے کیلئے جدوجہد کر رہی ہے،سیاست میں اداروں کی دخل اندازی ختم ہوگئی تو حکمران اتحاد خود بخود بکھر جائے گا۔
انہوںنے کہا کہ آئین کی حکمرانی چاہتے ہیں ،حکومت کو اسٹیبلشمنٹ کے پیچھے چھپنے نہیں دیں گے،وزیراعظم اداروں کو سیاسی طور پر اپنے ساتھ جوڑنے کی ناکام کوشش نہ کریں۔انہوں نے کہا کہ گوجرانولہ میں پی ڈی ایم کا جلسہ تاریخی ہوگا، بلاول بھٹو سمیت تمام قائدین خطاب کریں گے۔
