پاکستان کے دشمنوںکے ایجنڈے کوکائونٹر کرنے کیلئے خصوصی فلمیں بنانی چاہئیں' افضل خان

لاہور(ٹی این آئی )ناموراداکار افضل خان عرف ریمبونے کہا ہے کہ خوشگوارزندگی بسر ہو رہی ہے اور اس پر اللہ تعالیٰ کا جتنا بھی شکر ادا کروں وہ کم ہے ، اہلیہ صاحبہ کے ساتھ مل کر بچوں کی پرورش پر بھرپورتوجہ مرکوزکررکھی ہے اور اس کے ساتھ ساتھ شوبز سر گرمیاں بھی جاری ہیں۔ ایک انٹرویو میں افضل خان نے کہا کہ یہ درست ہے کہ پاکستان فلم انڈسٹری کے وہ حالات نہیں کہ اسے عروج کا دور کہا جا سکے لیکن ہمیں مایوس نہیں ہونا چاہیے ۔
گزشتہ سال فلم انڈسٹری کی بحالی کیلئے بہترین کوششیں کی گئیں ہیں اور اس کے نتائج بھی سامنے آئے ۔ امید ہے کہ کورونا وباء کے اثرات زائل ہونے کے ساتھ فلموں کی تعداد میں اضافہ ہو گا جس سے انڈسٹر ی کو ترقی ملے گی ۔ افضل خان نے کہا کہ ہمیں پاکستان کے دشمنوں کے مخالفانہ ایجنڈے کوکائونٹر کرنے کے لئے بھی خصوصی فلمیں بنانی چاہیے ۔