پی ایم ڈی سی نے پرائیویٹ کالجز میں سالانہ فیس ساڑھے نو لاکھ روپے مقرر کردی

لاہور( ٹی این آئی) پی ایم ڈی سی نے پرائیویٹ کالجز میں سالانہ فیس ساڑھے نو لاکھ روپے مقرر کردی ،آئندہ سیشن میں پرائیویٹ میڈیکل کالجز میں داخل ہونے والے سالانہ فیس یونیورسٹی آف ہیلتھ سائنسز میں جمع کروائیں گے۔بتایا گیا ہے کہ پی ایم ڈی سی نے رواں برس پرائیویٹ کالجز میں ایم بی بی ایس اور بی ڈی ایس میں داخلہ لینے والے طلبا ء سے اضافی فیسیں وصول کرنے کی شکایات کے ازالہ کیلئے فیصلہ کیا ہے۔ پرائیویٹ میڈیکل کالجز میں داخل ہونے والے سٹوڈنٹس کی سالانہ فیس یونیورسٹی آف ہیلتھ سائنسز میں جمع ہوگی۔ فارن سٹوڈنٹس بھی ڈالرز میں فیس یو ایچ ایس کو جمع کروائیں گے۔ یوایچ ایس ایم بی بی ایس اور بی ڈی ایس کے داخلے مکمل کرکے فیسیں متعلقہ میڈیکل اینڈ ڈینٹل کالجز کے اکاؤنٹس میں ٹرانسفر کرے گی۔پی ایم ڈی سی کی جانب سے پرائیویٹ میڈیکل کالجز کی سالانہ فیس بھی ساڑھے 9 لاکھ مقرر کر دی گئی ہے جس میں ہاسٹل کی سالانہ فیس بھی شامل ہوگی۔