بھارت اگر سمجھتا ہےکہ پاکستان کو دبا لے گا تو یہ اس کی خام خیالی ہے۔وزیراعظم عمران خان

اسلام آباد (ٹی این آئی نیوز)وزیراعظم عمران خان نے کہا ہے کہ بھارت اگر سمجھتا ہےکہ پاکستان کو دبا لے گا تو یہ اس کی خام خیالی ہے۔

اپنے انٹرویو میں وزیراعظم کا کہنا تھاکہ بھارت نے فنانشل ایکشن ٹاسک فورس (فیٹف) میں پاکستان کو دبانے کی کوشش کی لیکن ناکام رہا، بھارت اگر سمجھتا ہےکہ پاکستان کو دبا لے گا تو یہ اس کی خام خیالی ہے۔

انہوں نے کہا کہ بھارت پاکستان کو دنیا میں تنہا نہیں کرسکتا، ہم نے بھارت کو ایک بار پھر کہا کہ بات چیت کریں جبکہ مسئلہ کشمیر ایک بار پھر دنیا میں بھر پور طریقے سے اجاگر ہورہاہے۔

 سیاسی صورتحال پر گفتگو کرتے ہوئے وزیراعظم نے کہا کہ اپوزیشن اتحاد پاکستان ڈیمو کریٹک موومنٹ (پی ڈی ایم) والے جتنے مرضی لانگ مارچ کرلیں، لوگ ان کو سمجھ چکے ہیں اورعوام اپوزیشن کی چوری بچانے کیلئے باہر نہیں نکلیں گے۔

وزیراعظم کا کہنا تھاکہ ماضی کے مقابلے میں آج ملک کی انڈسٹری بہتری کی جانب گامزن ہے۔