امریکی صدر ڈونلڈ ٹرمپ نے وائٹ ہاوس پہنچتے ہی ماسک اتار دیا
واشنگٹن(ٹی این آئی )کورونا میں مبتلا امریکی صدرڈونلڈٹرمپ کوملٹری اسپتال سے چھٹی مل گئی۔ اسپتال سے چھٹی کے وقت ٹرمپ نے ماسک پہن رکھا تھا، تاہم وائٹ ہاوس پہنچنے پر ماسک اتار دیا اور سیلیوٹ کیا۔
غیرملکی خبررساں ادارے کے مطابق ٹرمپ نے اسپتال سے روانگی سے پہلے سوشل میڈیا پر کہا کہ جلد صدارتی مہم پر واپسی ہوگی۔ فیک نیوز ہمیشہ فیک پول دکھاتے ہیں، فلوریڈا سے ویسٹ ورجینیا تک ڈیموکریٹکس پر1-2 کی برتری حاصل ہے۔انہوں نے کہا کہ امریکیوں کو دکھائیں گے کہ ہم ڈرنے والے نہیں، کسی بھی صورت الیکشن جیتیں گے۔اس سے قبل ڈونلڈ ٹرمپ نے کہا تھا کہ کورونا سے خوفزدہ نہ ہوں، اسے اپنی زندگی پر حاوی ہونے نہ دیں۔
وہ اتنا ہی بہترمحسوس کررہے ہیں جتنا آج سے بیس سال پہلے کیا کرتے تھے، ہم نے کورونا کی بہترین دوا اور معلومات تیار کی ہیں۔دوسری جانب وائٹ ہاوس ڈاکٹر کے نے کہا کہ صدر ٹرمپ وائٹ ہاوس میں بھی ڈاکٹرز کی زیر نگرانی رہیں گے۔ صدر ٹرمپ کی صحت کو لاحق خطرہ ابھی مکمل ٹلا نہیں۔