وزیر اعلی پنجاب نے سرگودھا کے سابق ضلع ناظم ملک امجد علی نون کو ویسٹ مینجمنٹ کمپنی لاہور کا چیئرمین مقرر کردیا

سرگودھا(ٹی این آئی )وزیر اعلی پنجاب سردار عثمان بزدار نے سرگودھا کے سابق ضلع ناظم ملک امجد علی نون کو ویسٹ مینجمنٹ کمپنی لاہور کا چیئرمین مقرر کردیا۔
وزیر اعلی پنجاب نے کمپنی میں بڑے پیمانے پر ہونے والی بدانتظامی اور مالی بے ضابطگیوں کے نتیجے میں یہ زمہ داری ملک امجد علی نون کو سپیشل ٹاسک کے طور پر سونپ دی ۔ زرائع کے مطابق لاہور ویسٹ مینجمنٹ کمپنی میں کرپشن کی ملنے والی شکایات کو مدنظر رکھتے ہوئے وزیر اعلی پنجاب نے اعلی سطحی انتظامی تبدیلیاں کردی ہیں جس کے نتیجے وزیر اعلی نے صوبائی دارلحکومت اور اس کے گردونواح میں صفائی کے نظام کو بہتر بنانے اور اس ادارے میں کرپشن کی روک تھام کیلئے ملک امجد علی نون کا انتخاب کیا ہے اس سے قبل ملک امجد علی نون کینیا میں پاکستان کے ہائی کمشنر ،اقوام،متحدہ میں پاکستان کے مندوم ،چئیرمین اسٹیٹ سیمنٹ کارپوریشن آ ف پاکستان ،ضلع ناظم سرگودہا اور چییرمین وزیراعظم معائنہ کمیشن رہے۔
جن کی تقرری کرتے ہوئے وزیر اعلی پنجاب نیکہا کہ مذہب اسلام میں صفائی کو نصف ایمان قرار دیا گیا ہے اس لئے ھمیں اپنے شہروں اور علاقوں کو نہ صرف صاف رکھنا ہے بلکہ یہ ھماری ذمہ داریوں میں شامل ہے وزیر اعلی نے انہیں کمپنی کے انتظامی معاملات کو درست سمت میں چلانے کیلئے ہر قسم کے فیصلے آزادی سے کرنے اور کسی قسم کے دباؤ کو خاطر میں نہ لانے کی ہدایت دی۔