ڈاکٹر فردوس عاشق اعوان معاون خصوصی وزیر اعلی پنجاب نےاپوزیشن جماعتوں کے راہنماؤں کو گرفتا نہ کرنے کی وجہ بتا دی؟

لاہور(ٹی این آئی)حکومت اپوزیشن رہنماؤں کو گرفتار کیوں نہیں کررہی ؟ وزیراعلیٰ پنجاب عثمان بزدار کی معاون خصوصی اطلاعات فردوس عاشق اعوان نے اندر کی بات بتادی۔
انہوں نے کہا کہ کچھ دوستوں کے مشورے سے اپوزیشن رہنماؤں کو گرفتار نہیں کررہے، کچھ سیاسی مصلحت اور کچھ حکومتی ترجیحات ہیں جو اپوزیشن رہنماؤں کو گرفتار نہیں کیا جارہا۔
انہوں نے کہا کہ حکومت انہیں سیاسی شہید نہیں بننے دے گی، یہ لوگ لاہور کو میدانِ جنگ بنانا چاہتے ہیں، ڈنڈوں سے بھرے ٹرک جاتی عمرہ پہنچائے گئے ہیں، راج کماری اور ان کی کنیزیں دربدر پھر رہی ہیں۔
خیال رہے کہ وزیراعظم عمران خان نے بھی اعلان کیا ہے کہ اپوزیشن کے جلسوں کو نہیں روکا جائے گا بلکہ ان جلسوں میں سہولیات فراہم کرنے والوں کیخلاف کارروائی کی جائے گی۔
اس سلسلے میں پولیس نے گزشتہ دنوں ڈی جے بٹ کو بھی گرفتار کیا تھا۔