لاہور( ٹی این آئی)سرکاری کالجوں کے اساتذہ کو ایم فل اور پی ایچ ڈی الاؤنس جاری کردئیے گئے، کالجوں میں تعینات پی ایچ ڈی اساتذہ کو 10 ہزار روپے جبکہ ایم فل اساتذہ کو 5ہزار روپے الاؤنس مقرر ہے۔محکمہ ہائیر ایجوکیشن کی جانب سے مختلف کالجوں میں تعینات اساتذہ کو ایم فل اور پی ایچ ڈی الاؤنس دینے کا نوٹیفکیشن جاری کیا گیا ہے۔ محکمہ کی جانب سے جاری ہونے والے مراسلے کے مطابق فنانس ڈیپارٹمنٹ کی منظوری کے بعد ایم فل اور پی ایچ ڈی یافتہ افراد کو الاؤنس دئیے جا رہے ہیں تاہم ان اساتذہ کی ڈگریوں کی تصدیق بھی کی جائے گی۔محکمہ ہائیر ایجوکیشن کا کہنا ہے کہ کسی بھی مرحلے پر بے ضابطگی کا تعین ہونے پر الاؤنس واپس لے لیے جائیں گے۔
