لاہور(ٹی این آئی)ایل ڈی اے میں افسران و ملازمین کی ملی بھگت سے بھاری ریکوری کاغذوں تک محدود ہونے کا انکشاف ۔ایل ڈی اے افسران چالان جاری کرکے نو ارب کی بھاری ریکوری کرنا بھول گئے ۔ڈی جی ایل ڈی اے ریکوری نہ ہونے پر ایل ڈی اے افسران پر برہم ہوئے ، ڈی جی نے نو ارب سے زائد زیر التوا ریکوری فوری کرنے کا حکم دے دیا ۔ ایڈیشنل ڈی جی ای اینڈ کے ، ریونیو ڈیپارٹمنٹ ، فنانس نے مشترکہ لسٹیں ڈی جی کو فراہم کردیں ۔ لسٹوں میں نو ارب کی پراپرٹی وائز ریکوری کو مکمل ڈیٹا تیار کیا گیا ہے ۔
ذرائع کے مطابق صرف سات ارب کی ریکوری شعبہ ٹاؤن پلاننگ کی جانب سے وصولی کے لئے التوا کا شکار ہے ۔ ذرائع کے مطابق شعبہ ٹاؤن پلاننگ ون اور ٹو دونوں میں بڑے پیمانے پر چالان التوا کا شکار ہیں ۔ کمرشل فیس ، ایریا ڈویلپمنٹ کیسز ، جرمانے ، خلاف ورزیوں پر چلان سمیت متعدد نوعیت کے کیسز ہیں ۔ ہاؤسنگ کے مختلف ڈائریکٹوریٹس نے بھی دو ارب کی ریکوری نہیں کی ہے ۔
- فنانس ذرائع کے مطابق ریکوری نہ ہونے سے ایل ڈی اے کو مالی مشکلات کا سامنا اور ادائیگیاں کرنے میں مشکلات ہیں ۔ ڈی جی ایل ڈی اے نے ٹاؤن پلاننگ افسران کو زبانی جمع خرچ کرنے سے روک دیا ہے ۔ زیر التوا کیسز میں نئے چالان جاری کرکے نوٹسز ایشو کرنے کا حکم دے دیا ہے
