لاہور (ٹی این آئی)چئیر مین پنجاب لینڈ ریکارڈز اتھارٹی ,چوہدری طارق سبحانی ایم پی اے کی زیر صدارت آپریشنز ونگ کی کارکردگی کا جائزہ اجلاس ڈائریکٹر آپریشنز انجم زہرہ نے آپریشنز ونگ کے حوالے سے بریفینگ دی۔
انہوں نے بتایا کہ پنجاب بھر میں 231 اراضی ریکارڈ سنٹرز کے ذریعے صارفین کو خدمات فراہم کی جارہی ہیں۔خدمات کی فراہمی کے معیار کو یقینی بنانے کے لیے 50 اراضی ریکارڈ سنٹرز کی آئی ایس او سرٹیفیکیشن کروائی جا چکی ہے۔
سٹاف کی کارکردگی کو جانچنے کے لیے مانیٹرینگ ڈیش بورڈ بنایا گیا ہے۔جون سے اب تک زیر التواء انتقالات و کھیوٹ کے مسائل 16000 سے زائد حل کیے گئے ہیں جبکہ باقی ماندہ مسائل صرف 3400 کی سطح پر آگئے ہیں۔
پلس پراجیکٹ کے تحت اتھارٹی کی جانب سے 521 منیول مواضعات کی کمپیوٹرائزیشن مکمل ہونے کے بعد آن لائن کر دیا گیا۔جبکہ اسلام آباد اور سی ڈی اے کے ریکارڈ کی کمپیوٹرائزیشن پر بھی تیزی سے کام جاری ہے۔جوکہ مقررہ مدت میں مکمل کر لیا جائے گا۔
اجلاس میں ڈائریکٹر جنرل پنجاب لینڈ ریکارڈز اتھارٹی اکرام الحق، ڈائریکٹر آپریشنز انجم زہرہ ایڈیشنل ڈائیریکٹر چوہدری شفیق، ایڈیشنل ڈائیریکٹر عثمان احمد اور ڈپٹی ڈائریکٹر علی رضا نے شرکت کی۔
