راولپنڈی (ٹی این آئی)ڈویژن میں 2 روز کیلئے دفعہ 144 نافذ، رینجرز تعینات ہفتہ 28 ستمبر اور اتوار 29 ستمبر کو ہر قسم کے سیاسی اجتماعات، دھرنے، جلسے، مظاہرے اور احتجاج جیسی سرگرمیوں پر پابندی عائد۔ ضلعی انتظامیہ کی سفارش پر راولپنڈی اور اٹک میں رینجرز کی 6 کمپنیاں تعینات کر دی گئیں۔
راولپنڈی ڈویژن میں قانون نافذ کرنے والے اداروں کے نمائندگان کے علاوہ اسلحہ رکھنے اور نمائش پر بھی پابندی عائد۔ نوٹیفیکیشن کا اطلاق راولپنڈی ڈویژن کے اضلاع راولپنڈی، اٹک، جہلم اور چکوال پر ہوگا۔ فیصلہ امن و امان کے قیام، انسانی جانوں اور املاک کے تحفظ کیلئے کیا گیا
