وزیر اعلی پنجاب کے ویژن کے مطابق ستھرا پنجاب۔ پروگرام کے تحت ضلع سیالکوٹ کے 1 ہزار 4 سو 85 دیہات میں ستھرا پنجاب پروگرام کے تحت باقاعدگی سے صفائی کی جارہی

سیالکوٹ (ٹی این آئی)چیئرمین پنجاب لینڈ ریکارڈ اتھارٹی چودھری طارق سبحانی نے کہا ہے کہ وزیر اعلی پنجاب مریم نواز شریف کے ویژن کے مطابق ستھرا پنجاب۔ پروگرام کے تحت ضلع سیالکوٹ کے 1 ہزار 4 سو 85 دیہات میں ستھرا پنجاب پروگرام کے تحت باقاعدگی سے صفائی کی جارہی ہے ، ستھرا پنجاب کا فیز فائیو کامیابی سے جاری ہے اور اب تک مجموعی طور پر 3 لاکھ 45 ہزار 476 صفائی، ویسٹ لفٹنگ اور ڈمپنگ کی ویری فائی ایکٹیویٹی پرفارم کی جاچکی ہیں۔ یہ بات انہوں نے ڈپٹی کمشنر سیالکوٹ محمد ذوالقرنین لنگڑیال کے ہمراہ ضلع سیالکوٹ میں ستھرا پنجاب پروگرام کی کارکردگی کا جائزہ لینے کے دوران کہی۔ ڈپٹی کمشنر ڈائریکٹر لوکل گورنمنٹ عمر امجد بیگ ، ایکسئین سروسز ضلع کونسل محمد ریاض ، سینئر آپریشن مینجر ایس ڈبلیو ایم سی مجاہد رسول اور ایڈمن آفیسر فہد جاوید بھی موجود تھے۔ ڈپٹی کمشنر محمد ذوالقرنین نے کہا کہ ایس ڈبلیو ایم سی کی زیر نگرانی ضلع سیالکوٹ کی 119 دیہی یونین کونسل میں ستھرا پنجاب کا پانچواں فیز میں داخل ہوچکا ہے جہاں پر 357 سینٹری ورکرز اور 119 لوڈر رکشہ جات کے ساتھ صفائی جاری ہے اور ہر گاؤں میں عارضی سالڈ ویسٹ کلیکشن پوائنٹ پر کوڑا جمع کیا جارہا ہے جہاں سے ہیئوی مشینری کے ساتھ لینڈ فل سائیٹ پر منتقل کردیا جاتا ہے۔ ڈپٹی کمشنر محمد ذوالقرنین لنگڑیال نے بتایا کہ ستھرا پنجاب کا فیز فائیو 12 نومبر رات 12 بجے مکمل ہو جائے گا جس کے بعد 13 نومبر میں
سیالکوٹ سالڈ ویسٹ مینجمنٹ کمپنی ضلع سیالکوٹ کی چاروں تحصیلوں صفائی کی ذمہ داریاں سنبھال لے گی۔۔ ڈپٹی نے بتایا کہ یکم ستمبر سے شروع ستھرا پنجاب پروگرام کے تحت لوکل گورنمنٹ ڈیپارٹمنٹ نے ضلع سیالکوٹ کی 58 دیہی یونین کونسل میں تقریبا 14 سو رورڑیوں ( بلک ویسٹ) کو بھی لفٹ کیا اور 23 ہزار ٹن سے زائد بلک ویسٹ لفٹ کیا گیا۔چودھری طارق سبحانی نے ایس ڈبلیو ایم سی کے مقامی حکام کو ہدایت کی کہ وہ 13 نومبر کو ہر صورت ورکس فورس کے ہمراہ فلڈ میں آپریشن کا آغاز کریں گے اور صفائی کے مربوط اور جامع نظام کو ساینٹیفک بنیاد پر آگےبڑھائیں گے۔