لاہور(ٹی این آئی)وزیر اعلیٰ مریم نوازشریف کی زیر صدارت خصوصی اجلاس ہوا،اجلاس میں لاہور ڈویلپمنٹ پراجیکٹ پر پیشرفت کا جائزہ لیاگیا۔ڈپٹی کمشنر سید موسی رضانےلاہورڈویلپمنٹ پلان پررپورٹ پیش کی۔وزیر اعلیٰ پنجاب مریم نوازشریف نے کنال کی بھل صفائی کرانے، مستقبل کی ضروریات کومدنظررکھ کرسیوریج سسٹم بنانےکی ہدایت بھی کی۔
اجلاس میں بتایا گیا کہ واسالاہورمیں مجموعی طورپر780کلومیٹرایک سےچھ فٹ قطرنئےپائپ بچھائےگا،پہلےمرحلےمیں لاہورمیں450سیوریج پائپ بچھائےجائیں گے،ترقیاتی منصوبوں میں شفافیت کیلئےلاہورڈویلپمنٹ مینجمنٹ انفارمیشن سسٹم سےکنٹریکٹ کاآغاز کر دیا گیا،نیسپاک ’’انسپکٹر ایپ ‘‘کےذریعے پراجیکٹ کی انسپکشن کر سکے گا۔
لاہورڈویلپمنٹ مینجمنٹ انفارمیشن سسٹم کےذریعےڈیجیٹل ٹرینکنگ اور فزیکل وفنانشل پراگریس چیک کی جاسکےگی۔
بریفنگ میں بتایا گیا کہ بریلاہورڈویلپمنٹ پلان میں شفافیت سے16ارب روپےکی بچت کی گئی، پہلے فیزمیں لاہو رکے 6زون کی تعمیرومرمت اور ڈویلپمنٹ کی جائے گی، ڈویلپمنٹ پلان میں فراہمی و نکاسی آب کا نظام،رابطہ سڑکوں وپختہ گلیوں کی تعمیر ،سٹریٹ لائٹ کی تنصیب اور پارکس کی بحالی بھی ڈویلپمنٹ پلان میں شامل ہیں۔
اجلاس میں وزیر اعلی مریم نواز نے ہدایت کی کہ دیہات میں بھی گلیاں شہروں کی طرح بہترین بنائی جائیں،ترقیاتی منصوبوں کے معیار پر کوئی سمجھوتا نہیں ہوگا۔