ریلوے گارڈ تشدد معاملہ , وفاقی وزیر ریلوے  حنیف عباسی کا نوٹس

لاہور ( ٹی این آئی ) ریلوے گارڈ پر تشدد کا معاملہ , وزیر ریلوے  حنیف عباسی  نے نوٹس لے لیا ۔تفصیلات کے مطابق آئی جی ریلوے پولیس نے وفاقی وزیر کو انکوائری رپورٹ پیش کر دی،رپورٹ کی روشنی میں ریلوے پولیس بہاولپور کے کانسٹیبل ندیم کو فوری طور پر معطل کر دیا گیا۔تشدد کرنے والے کانسٹیبل کے خلاف متاثرہ گارڈ کی مدعیت میں ایف آئی آر بھی درج کرا دی گئی۔

وزیر ریلوے محمد حنیف عباسی نے کہا ہے کہ اپنے کسی ملازم کے خلاف دھونس اور دھمکی والا رویہ برداشت نہیں کروں گا،سرکاری امور میں رخنہ ڈالنے والوں کے خلاف سخت قانونی کارروائی کی جائے گی۔