ڈی آئی خان (ٹی این آئی)ڈیرہ اسماعیل خان میں بڑا دہشت گرد منصوبہ ناکام ہوگیا۔ کم عمر لڑکی کو خودکش حملے کے لیے تیار کرنے کی کوشش بے نقاب ہوگئی ۔ سیکیورٹی ذرائع کےمطابق سی ٹی ڈی اور قانون نافذ کرنے والے اداروں کی بروقت کارروائی سے ممکنہ بڑا سانحہ ٹل گیا ۔
تفتیش میں انکشاف ہوا کہ لڑکی کی سوشل میڈیا اور انکرپٹڈ ایپس کے ذریعے ذہن سازی کی جا رہی تھی ۔ مقامی اور سرحد پار فتنہ الخوارج ہینڈلرز کے درمیان رابطوں کے شواہد بھی سامنے آ ئے۔
سیکیورٹی حکام کے مطابق فتنہ الخوارج نوجوان لڑکوں کے بعد اب کم عمر لڑکیوں کو اپنے مذموم مقاصد کے لیے استعمال کررہاہے ۔ خودکش حملے اسلام اور انسانی اقدار کے سراسر خلاف ہیں ۔
