نوازشریف نے قومی اداروں کے خلاف بات کرکے اپنے پاوں پر خود کلہاڑی ماری،فواد چوہدری

اسلام آباد(ٹی این آئی ) وفاقی وزیر برائے سائنس و ٹیکنالوجی فواد چودھری نے کہا ہے کہ نوازشریف نے قومی اداروں کے خلاف بات کرکے اپنے پاوں پر خود کلہاڑی ماری۔
مسلم لیگ ن کی قیادت موجود ہی نہیں اس لیے دھڑے بننے کا خدشہ تو رہے گا ۔گلگت بلتستان کمیٹی بلاول کی تجویز پر ہی بنی ہے ۔
نجی ٹی وی سے گفتگو کرتے ہوئے انہوں نے کہا کہ گلگت بلتستان کمیٹی بلاول بھٹو کی تجویز پر ہی اسپیکر قومی اسمبلی اسد قیصر کی سربراہی میں بنائی گئی۔ اپوزیشن کی تجویز ماننے کے باوجود اپوزیشن نے ہی کمیٹی کا بائیکاٹ کیا۔ اپوزیشن چاہے یا نہ چاہے گلگت بلتستان میں اصلاحات لائیں گے۔
ان کا کہنا تھا کہ پیپلز پارٹی اور مسلم لیگ ن کے رہنما استعفے نہیں دیں گے، مسلم لیگ ن کی قیادت کا پتہ ہی نہیں تو مقبولیت کیسی؟وفاقی وزیر نے کہا کہ مسلم لیگ ن کی قیادت موجود ہی نہیں اس لیے دھڑے بننے کا خدشہ تو رہے گا۔فواد چودھری کا کہنا تھا کہ مسلم لیگ ن کے کارکن مایوس ہیں، پنجاب میں ن لیگی دھڑے نے نوازشریف کی اداروں کے خلاف تقریر پر اظہار مایوسی کیا۔
ان کا کہنا تھا کہ اپوزیشن جماعتوں کی اپنے پیسوں کے تحفظ کے علاوہ کوئی دلچسپی نہیں ۔ سابق وزےر اعظم نوازشریف کو تنقےد کا نشانہ بنا تے ہوئے فواد چوہدری کا کہنا تھا کہ قومی اداروں کے خلاف بات کرکے مےاں صاحب نے اپنے پاو¿ں پر خود کلہاڑی ماری ہے ، مولانا فضل الرحمان کھلاڑی ہیں نہ ہی کوئی کردار رکھتے ہیں، ان کی اور آصف علی زرداری کی دلچسپیاں مختلف ہیں۔
فواد چودھری نے کہا کہ تفتیش کے طریقہ کار کوبہتر کرنے کی بہت ضرورت ہے، شہباز شریف نے تھانوں پر رقم خرچ کی لیکن نظام کو بہتر کرنے پر توجہ نہیں دی