شہباز شریف کی ایل او سی پر بھارت کی بلا جواز فائرنگ کی مذمت ،شہید حوالدار لیاقت کو خراج عقیدت

لاہور( ٹی این آئی)پاکستان مسلم لیگ (ن)کے صدرو قائد حزب اختلاف محمد شہباز شریف نے بھارت کی جانب سے لائن آف کنٹرول پر بلا جواز فائرنگ کی شدید مذمت کرتے ہوئے شہید حوالدار لیاقت کو خراج عقیدت پیش کیا ہے ۔ اپنے بیان میں شہباز شریف نے کہا کہ بھارت عالمی قانون اور دو طرفہ معاہدوں کی دھجیاں اڑا رہا ہے ،شہری آبادی کو نشانہ بنانا بھارتی فوج کی بزدلی اور غیر پیشہ ورانہ رویے کا ثبوت ہے ،عالمی برادری بھارت کے جنگی جنون اور جنوبی ایشیا ء کا امن تباہ کرنے کی کارروائیوں کا نوٹس لے ۔بھارت کی بلاجواز فائرنگ سے متاثرہ شہریوں سے یکجہتی اور ہمدردی کا اظہار کرتے ہیں،بھارتی بلا جواز فائرنگ کا بھر پور جواب دینے پر مسلح افواج کو خراج تحسین پیش کرتے ہیں۔