لاہور (ٹی این آئی)وزیر اعظم پاکستان عمران خان کا اینٹی کرپشن پنجاب کی شاندار کارکردگی پر ٹویٹ کر دی۔
وزیر اعظم پاکستان عمران خان نے ٹویٹ کر کے ڈی جی اینٹی کرپشن پنجاب محمد گوہر نفیس اور محکمہ اینٹی کرپشن کو شاباش دی۔ وزیر اعظم نے گزشتہ دور حکومت کے دس سالوں کو تاریکی کے دس سال قرار دیا۔ انہوں نے کہا کہ اینٹی کرپشن نے گزشتہ ستائیس ماہ میں 206 ارب روپے کی ریکوری کی جبکہ پچھلی حکومت کے دس سالوں میں صرف تین ارب روپے کی وصولیاں ہو سکیں۔ موازنہ سے واضح ہے کہ اب احتساب کے ادارے خودمختار اور آزاد ہیں۔ وزیر اعظم کا مذید کہنا تھا کہ اینٹی کرپشن مکمل آزادی سے زبردست کام کر رہا ہے۔
