لاہور(ٹی این آئی)عام انتخابات کیلئے (ن) لیگ اور (ق) لیگ کے درمیان سیٹ ایڈجسٹمنٹ پر جلد پیشرفت متوقع ہے۔ذرائع کے مطابق (ق) لیگ 2018 میں قومی کی 4 اور صوبائی اسمبلی کی8 جیتی ہوئی نشستوں پر سیٹ ایڈجسٹمنٹ چاہتی ہے، 2018 میں ان نشستوں پر سالک حسین، مونس الٰہی، حسین الٰہی اور طارق بشیر چیمہ قومی اسمبلی کا الیکشن جیتے تھے۔
ذرائع کا کہنا ہےکہ (ق) لیگ 2018کے الیکشن میں جیتی ہوئی سیٹوں کے علاوہ مزید سیٹوں کی خواہش بھی رکھتی ہے اور اس سلسلے میں دونوں پارٹیوں کے رہنما آئندہ دنوں میں ملاقات کرسکتے ہیں۔
آئندہ عام انتخابات کے لیے چوہدری شجاعت کے بیٹے شافع حسین بھی میدان میں ہیں، انہوں نے گجرات سے صوبائی اسمبلی کی 2 نشستوں پر کاغذات جمع کرائے ہیں۔ذرائع کا بتانا ہےکہ گجرات میں سالک حسین اور شافع حسین کی سیٹ ایڈجسٹمنٹ ہونےکا امکان ہے جب کہ گجرات سےحسین الٰہی اور موسیٰ الٰہی کی سیٹ پر ایڈجسٹمنٹ کا امکان نہیں ہے.
ذرائع کے مطابق مسلم لیگ ن قومی اسمبلی کی 2 گجرات سے سالک حسین اور بہاولپور سے طارق بشیر چیمہ اور صوبائی اسمبلی کی3نشستوں پر سیٹ ایڈجسٹمنٹ چاہتی ہے۔
