وزیراعلی پنجاب کی کھلی کچہری،جنوبی پنجاب عوام کے 4 گھنٹے مسائل سن کر موقع پر احکامات جاری۔

لاہور(ٹی این آئی) وزیراعلیٰ پنجاب سردار عثمان بزدار نے عوامی خدمت کی ایک اور عمدہ مثال قائم کر دی۔90 شاہراہ قائد اعظم پر کھلی کچہری لگا کر
وزیر اعلی عثمان بزدار 4 گھنٹے تک مسلسل عوام کے مسائل سنتے رہے جبکہ وزیراعلیٰ عثمان بزدار نے جنوبی پنجاب کے دور دراز علاقوں کے لوگوں کے مسائل کے حل کیلئے اس کھلی کچہری کا انعقاد کیا
اور وزیراعلیٰ عثمان بزدار نے کھلی کچہری میں سینکڑوں لوگوں سے فرداً فرداً ملاقاتیں کیں اور ان کے مسائل کے حل کے لئے موقع پر ہی احکامات بھی جاری کئے۔وزیر اعلی عثمان بزدار کی خصوصی ہدایت پر جنوبی پنجاب کے 15 محکموں کے سیکرٹریز،پولیس افسران اور متعلقہ حکام بھی کھلی کچہری میں موجود تھے اور لوگوں کے مسائل کے حل کے لئے متعلقہ افسران کو بھی عثمان بزدار نے فوری ہدایات جاری کیں۔جبکہ اس کھلی کچہری میں دور دراز علاقوں سے آنے والی خواتین نے بھی شرکت کی اور وزیراعلیٰ عثمان بزدار نے خواتین کے مسائل سن کر فوری کارروائی کی یقین دہانی کرائی اور ساتھ کہا ہے عوام سے ہوں اور عوامی مسائل کے حل کے لئے کوئی کسر اٹھا نہ رکھوں گا۔لوگوں کے مسائل کے حل میں تاخیر قعطاً برداشت نہیں کروں گا اور عوام کے مسائل حل کرنا میری ذمہ داری ہے اس کھلی کچہری میں معذور نوجوانوں نے بھی وزیراعلیٰ عثمان بزدار سے ملاقات کی اور مسائل سے آگاہ کیا۔وزیر اعلی نے معذور نوجوانوں کے مسائل کے حل کے لئے متعلقہ حکام کو موقع پر ہدایات دیں اور اس موقع پر عثمان بزدار کو معمر خاتون نے وزیراعظم عمران خان کی تصویر پیش کی اور وزیراعلیٰ عثمان بزدار نے اپنی والدہ کے ساتھ آنے والی بچی سے اظہار شفقت کیا کھلی کچہری میں خاتون نے وزیراعلیٰ عثمان بزدار کو ان کا پنسل سکیچ بھی پیش کیا۔اس موقع پر پرنسپل سیکرٹری ٹو وزیراعلیٰ پنجاب اور وزیراعلی آفس کے متعلقہ حکام بھی موجود تھے۔