واشنگٹن: ٹرمپ انتظامیہ نے امریکا میں گرین کارڈ حاصل کرنے کاعمل مزید سخت کردیا، اب درخواست گزاروں کو عمومی طور پر بیرون ممالک ہی سے امریکا میں مستقل رہائش کیلئے اپلائی کرنا ہوگا۔امریکی شہریت اور امیگریشن سروسز کے مطابق غیرملکی افراد جو امریکا میں مستقل رہائش یا گرین کارڈ لینا چاہتے ہیں انہیں عمومی طور پر امریکی محکمہ خارجہ کے ذریعے امریکا سے باہر ہی سے درخواست دائر کرنا ہوگی۔
صرف انتہائی غیرمعمولی صورتحال ہی میں کسی شخص کیلئے اسٹیٹس کی درخواست کو ایڈجسٹ کیا جاسکےگا۔ یوایس سی آئی ایس کے ترجمان زیک کاہلر نے کہا کہ امریکا میں عارضی طور پر رہائش پزیر ایسے غیر ملکی افراد جو گرین کارڈ لینا چاہتے ہیں انہیں اپنے وطن واپس جا کر درخواست دینا ہوگی۔
نئی گائیڈلائن میں جن نان امیگرینٹس کا ذکر کیاگیا ہے ان میں انٹرنیشنل اسٹوڈنٹس، عارضی ورکر اور سیاح شامل ہیں۔
