فلم فیڈریشن اور فلم پروڈیوسرز ایسوسی ایشن فلم انڈسٹری کی تقویت کا باعث بنیں گی ‘ نادیہ علی

لاہور(ٹی این آئی)نامور اداکارہ نادیہ علی نے کہا ہے کہ امیدہے کہ فلم فیڈریشن آف پاکستا ن اور فلم پروڈیوسرز ایسوسی ایشن اتحاد سے آگے بڑھیں گی جو فلم انڈسٹری کی تقویت کا باعث بنے گا ۔ خصوصی گفتگوکرتے ہوئے انہوں نے کہا کہ فلم انڈسٹری کی تباہی کیلئے باہر سے کوئی حملہ آورنہیں ہوابلکہ اس کے اندرموجود کچھ لوگ اس کا سبب بنے ہیں۔ انہوں نے کہا کہ فلم فیڈریشن آف پاکستان اورفلم پروڈیوسرز ایسوسی ایشن میں سینئر اور با صلاحیت لوگ موجود ہیں اورامید ہے کہ یہ تنظیمیں فلم انڈسٹری کیلئے متحد ہو کر پیشرفت کریں گی جس کے فلم انڈسٹری پر مثبت اثرات مرتب ہوں گے اوراسے تقویت بھی ملے گی ۔ نادیہ علی نے کہاکہمیں نے فلم انڈسٹری سے نام اورمقام بنایا ہے او ر میں اسے کبھی فراموش نہیں کرسکتی اسے بھی میری ضرورت ہو گی میں خدمات حاضر ہیں۔