ہمارے سیاسی حریف ہمارے منصوبوں پر تختیاں لگا کر ہماری کارکردگی کی ضمانت دے رہے ہیں۔رانا شمیم، ارشد وڑائچ کی سینئیر صحافی ارشد محمود گھمن سے گفتگو

سمبڑیال (ٹی این آئی) پاکستان مسلم لیگ ن کے رکن قومی اسمبلی رانا شمیم احمد خاں ایم این اے اور محمد ارشد وڑائچ ایم پی اے نے گزشتہ روز سینئیر صحافی ارشد محمود گھمن و چیف ایڈ یٹر ،دی نیوز انٹر نیشنل (ٹی این آئی)بین الاقوامی خبررساں ادارے سے ایک خصوصی ملاقات کے دوران گفتگو کرتے ہوے کہا ۔

انہوں نے کہا کہ ہمیں فخر ہے آج ہمارے سیاسی حریف سستی شہرت حاصل کرنے کے لئے ہمارے قائد میاں نواز شریف کی طرف سے حلقہ این اے 76 کے عوام کو اربوں روپے کی لاگت سے سوئی گیس کے منصوبے فراہم کئے تھے جن پر کچھ لوگ اپنے نام کی تختیاں لگاکر ہماری کارکردگی کی ضمانت دے رہے ہیں۔

دونوں راہنماوں نے ایک سوال کے جواب میں کہا کہ حلقہ کے عوام اس بات سے بخوبی واقف ہیں کہ یہ تر قیاتی منصوے کس کی حکومت میں شروع ہوے تھے رانا شمیم احمد خاں ایم این اے نے کہا کہ انہوں نے میاں نواز شریف سے خصوصی کاوش کر کے این اے 76 کے تمام دیہاتوں کے لئے اربوں روپے کی لاگت سے سوئی گیس پائپ لائن تمام دیہاتوں میں پہچانے کے لئے سوئی ناردرن گیس کو فنڈز فراہم کروائے تھے۔مگر اس سے خوشی کی بات اور کیا ہو سکتی کہ آج ہمارے سیاسی حریف گاوں گاوں میں جا کرہمارے منصوبوں پر تختیاں لگا کر عوام کے دلوں میں ہماری یاد تازہ کر رہے ہیں انہوں نے کہا کہ اس بڑی کامیابی اور کیا ہو سکتی ہے جس کی کارکردگی کی ضمانت مخالف سیاسی حریف دیں۔انہوں نے کہا کہ حلقہ این اے 75 سیالکوٹ میں کامیابی پاکستان مسلم لیگ ن کی ہو گی انہوں نے کہا کہ کہ امتحان میں رزلٹ وہی آتا جوپیپر میں لکھا جائے۔18 فروری کو اس کا رزلٹ ہر ایک کے سامنے ہوگا۔انہوں نے کہا کہ میرے لئے اس سے بڑی بات اور کیا ہے کہ ہمیشہ حلقہ کے عوام نے ہمیں گھر بیٹھا کر بھاری اکثریت سے کامیاب کروایا اور سیاسی حریفوں کے لئے اس بڑاسبق اور کیا ہو سکتاہے۔انہوں نے کہا کہ ہمارے ترقیاتی منصوبے حلقہ این اے 76 کی عوام کے لئے منہ بولتا ثبوت ہے ۔