عیدمیلادالنبی ﷺ پر ضلع سیالکوٹ میں 185 جلوس اور 40 محافل کا انعقاد کیا جائے گا،ڈپٹی کمشنر سیالکوٹ

سیالکوٹ (ٹی این آئی)کمشنر سیالکوٹ محمد ذوالقرنین نے کہا ہے کہ عیدمیلادالنبی ﷺ پر ضلع سیالکوٹ میں 185 جلوس اور 40 محافل کا انعقاد کیا جائے گا، حکومت پنجاب کی جانب سے جلوس کے شرکاء میں مٹھائی کی تقسیم کیلئے ضلع میں کل 36 سبیلیں لگائی جائیں گی ، روٹس کی سی سی کیمروں سے نگرانی کی جائے گی، جلوسوں کے روٹس کی مرمت، اسٹریٹس لائٹس کی بحالی، صفائی ، چونا کاری اور پانی کے چھڑکاؤ کے تمام انتظامات مکمل کرلئے گئے ہیں جبکہ رات کے جلوسوں میں بیک اپ جنریٹرز بھی لگائے جائیں گے۔ یہ بات انہوں نے آج عید میلادالنبی ﷺ کی سرکاری و نجی تقریبات کے انعقاد کا جائزہ لینے کے دوران انتظامیہ اور پولیس کے افسران کے مشترکہ اجلاس سے خطاب کرتے ہوئے کہی۔ ایڈیشنل ڈپٹی کمشنر جنرل سید اسد رضا کاظمی اور ایس پی غلام عباس کے علاؤہ چاروں تحصیلوں کے اسسٹنٹ کمشنر ، ضلع کونسل، میونسپل کارپوریشن/ کمیٹیز کے سی اوز بھی اجلاس میں موجود تھے۔ ڈپٹی کمشنر محمد ذوالقرنین نے کہا کہ عید میلاد النبی ﷺ کے سلسلہ میں تمام محکموں کو ڈیوٹیاں تفویض کردہ گئی ہیں افسران ڈیوٹی پر موجود رہے گے ۔ انہوں نے کہا کہ ڈسٹرکٹ ایمرجنسی کنٹرول روم بھی قائم کردیا گیا ہے جو 24 گھنٹے فعال رہے گا۔ شہری کسی بھی قسم کی معلومات کیلئے 9250011 اور 9250438 پر کام کرسکتے ہیں۔