معرکہ حق کی فتح نے جشن آزادی کی خوشیوں کو دوبالا کر دیا ہے۔ انہوں نے کہا کہ اللہ تعالیٰ کے فضل و کرم سے دشمن کو معرکہ حق میں شکست ہوئ،وزیر اطلاعات عطاء اللہ تارڑ

اسلام آباد (ٹی این آئی) وفاقی وزیر اطلاعات عطاء اللہ تارڑ نے کہا کہ معرکہ حق کی فتح نے جشن آزادی کی خوشیوں کو دوبالا کر دیا ہے۔ انہوں نے کہا کہ اللہ تعالیٰ کے فضل و کرم سے دشمن کو معرکہ حق میں شکست ہوئی ہے اور قوم نہ صرف یوم آزادی بلکہ اس تاریخی فتح کا بھی جشن منا رہی ہے۔وفاقی وزیر اطلاعات نے اہم گفتگو کرتے ہوئے کہا ہے کہ چھوٹے بچے، بزرگ اور نوجوان سب سبز ہلالی پرچم تھامے گھروں سے نکل کر قومی جذبے کا مظاہرہ کر رہے ہیں۔ انہوں نے بتایا کہ عوام پارلیمنٹ ہاؤس سمیت ملک کے مختلف اہم مقامات پر قومی پرچموں کے سائے تلے جشن منا رہے ہیں۔

وزیر اطلاعات نے کہا کہ یہ جشن بھارت کے لیے بھی واضح پیغام ہے کہ زندہ قومیں اپنی آزادی اور فتح کی خوشی کس جذبے سے مناتی ہیں۔ انہوں نے کہا کہ آج رات بارہ بجے ملک کے بڑے شہروں میں شاندار آتش بازی کا مظاہرہ ہوگا جسے ٹی وی سکرینز پر براہ راست دکھایا جائے گا۔انہوں نے بتایا کہ جشن آزادی کی تقریبات میں ملی نغمے اور پریڈ شامل ہوں گی جبکہ کل صبح مختلف مقامات پر پرچم کشائی کی خصوصی تقریبات بھی منعقد کی جائیں گی۔ شکریہ پڑیاں میں بھی خاص تقریب کا اہتمام کیا گیا ہے۔وزیر اطلاعات عطاء اللہ تارڑ نے پوری قوم کو جشن آزادی اور معرکہ حق کی فتح کی مبارکباد دی اور کہا کہ یہ موقع پاکستان کے اتحاد، عزم اور حوصلے کی علامت ہے۔

انہوں نے کہا کہ مری میں ہونے والے اجلاس میں ضمنی انتخابات کے حوالے سے مشاورت ہوئی تھی، تاہم وہ اجلاس میں شریک نہ ہو سکے ۔