واشنگٹن(ٹی این آئی)امریکی صدر ڈونلڈ ٹرمپ نے کہا ہے کہ میں نے کئی ملین ڈالر کا ٹیکس اداکیا ہے۔ ایک بیان میں انہوں نے اخبار نیویارک ٹائمز کی خبر کو مسترد کیا جس میں ان پر برسوں تک کوئی ٹیکس نہ دینے کا الزام سامنے آیا ۔ اخبار کے مطابق اس کے پاس دو عشروں پر محیط دستاویزات موجود ہیں، جن میں صدر ٹرمپ کی سینکڑوں کمپنیوں کے بارے میں معلومات ہیں۔ نیویارک ٹائمزکے مطابق صدر ٹرمپ نے سن دو ہزار سترہ تک پندرہ برسوں میں کچھ بھی ٹیکس ادا نہیں کیا۔ .
