سیالکوٹ(ٹی این آئی) ڈپٹی کمشنر سیالکوٹ محمد ذوالقرنین نے کہا ہے کہ ضلع سیالکوٹ میں وہیکل انسپکشن اینڈ سرٹیفیکیشن سسٹم(VICS) کی بلڈنگ کی تعمیر شروع کر دی گئی ہے، وزیر اعلیٰ پنجاب مریم نواز کی ہدایت کے مطابق 14 اگست تک سے VICS سنٹر فنکشنل کردیا جائے گا جس کے بعد پبلک /گڈز سمیت تمام کمرشل ٹرانسپورٹ کی فٹنس انسپکشن اور سرئٹیفیکیشن کی سہولت ضلع کی سطح پر میسر آ جائے گی۔ یہ بات انہوں نے ایمن آباد روڈ نزد وویمن یونیورسٹیز کیمپس VICS سنٹر کا سنگ بنیاد رکھنے کے موقع پر بتائی۔
ڈپٹی کمشنر نے رورل ہیلتھ سنٹر چونڈہ، بنیادی مرکز صحت بڈیانہ کا دورہ کیا اور وہاں فراہم کی جانیوالی طبی سہولیات کا جائزہ لیا جبکہ چونڈہ میں 1965کی جنگ کے شہدا کی یادگار کا بھی دورہ کیا۔ ڈپٹی کمشنر سیالکوٹ محمد ذوالقرنین نے بتایا کہ یہ پراجیکٹ ٹرانسپورٹ اینڈ ٹرانزٹ ڈیپارٹمنٹ حکومت پنجاب اور OPUS انسپکشن پرائیویٹ لمیٹڈ کا جائنٹ پراجیکٹ ہے، حکومت پنجاب کی جانب سے VICS سنٹر کی تعمیر کیلئے 4 کنال اراضی فراہم کی گئی ہے جبکہ OPUS انسپکشن کمپنی اس منصوبے پر تعمیراتی کام اور گاڑیوں کی انسپکشن اور سرٹیفیکیشن کیلئے جدید آلات نصب کرے گی اور اس سنٹر کو چلائے گی۔ ڈپٹی کمشنر محمد ذوالقرنین نے کہا کہ پنجاب میں گزشتہ دہائی میں گاڑیوں کی آبادی میں تیزی سے اضافہ دیکھنے میں آیا ہے۔ گاڑیوں کی اضافہ میں 14.54 فیصد کی اوسط سالانہ شرح نمو ریکارڈ کی گئی ہے۔ اسی طرح موٹر سائیکلوں اور پرائیویٹ کاروں کی ملکیت میں بھی بہت زیادہ شرح نمو دیکھی گئی ہے۔
گاڑیوں کی تعداد میں اس تیزی سے اضافے کے نتیجے میں نہ صرف ماحولیاتی مسائل پیدا ہوئے ہیں بلکہ ٹریفک حادثات میں خطرناک حد تک اضافہ دیکھنے میں آیا ہے جس کی بڑی وجہ گاڑیوں قابل بھروسہ اور بروقت فٹنس کا چیک نہ ہونا ہے انسپکشن کے بارے میں بھی خدشات اور تحفظات کے ازالہ کیلئے ں محکمہ ٹرانسپورٹ محفوظ، قابل بھروسہ، اور موثر ٹرانسپورٹ خدمات فراہم کرنے کے لیے پورے پنجاب میں وہیکل انسپکشن اینڈ سرٹیفیکیشن سسٹم (VICS) سنٹر قائم کررہی ہے اور ضلع سیالکوٹ جیسے انڈسٹریل شہر میں اس کی کمی عرصہ سے محسوس کی جارہی تھی۔ اس منصوبے کے تحت تمام گھریلو پبلک و کمرشل ٹرانسپورٹ کا معائنہ اور جدید آلات استعمال کرتے ہوئے تصدیق کی جاسکے گی اور دھواں دینے والی گاڑیوں کی بندش ممکن ہوگی۔
