جولائی 2020ء کے دوران تعمیراتی اور کان کنی کی مشینری کی درآمد میں 29.7 فیصد کمی

اسلام آباد (ٹی این آئی) جولائی 2020ء کے دوران تعمیراتی اور کان کنی کی مشینری کی درآمد میں 29.7 فیصد کمی ہوئی ہے۔ ادارہ برائے شماریات پاکستان ( پی بی ایس ) کے اعدادوشمار کے مطابق جولائی 2020ء میں درآمدات کا حجم 9.8 ملین ڈالر تک کم ہوگیا جبکہ جولائی 2019ء کے دوران تعمیراتی و کان کنی کی مشینری کی درآمدات کا حجم 13.95 ملین ڈالر رہا تھا۔ اس طرح جولائی 2019ء کے مقابلہ میں جولائی 2020ء کے دوران تعمیراتی و کان کنی کی میشنری کی قومی درآمدات میں 4.15 ملین ڈالر یعنی 29.7 فیصد کمی ریکارڈ کی گئی ہے۔