لاہور (ٹی این آئی) پنجاب حکومت کو لینے کے دینے پڑگئے، جیل کے ایک خراب پنکھے نے اصلاحات کے تمام پول کھول دئے، جیلوں کے پنکھے ٹھیک کروانے کے لئےحکومت کو 50کروڑ خرچ کرنا پڑیں، جیل حکام نےلاہور کی دونوں جیلوں سمیت صوبہ بھرکے لئے 12ہزار پنکھوں، وائرنگ سمیت دیگرمتعلقہ ضروریات کے لئے 50کروڑ کے فنڈز مانگ لئے۔
تفصیلات کے مطابق جیل کا ایک خراب پنکھا اور قیدیوں کی بیرک میں آہستہ چل رہا تھا جس کا وزیراعلی نے نوٹس لیا تھا جس پر جیل حکام نے پول کھول دیا کہ جیلیں بننے کے بعد کبھی دوبارہ پنکھے فراہم ہی نہیں کئے گئے اب لاہور کی دونوں جیلوں سمیت پنجاب بھر کی 42 جیلوں کے لئے حکومت کو 50کروڑ خرچ کرنا پڑیں گے۔
وزیراعلی نے چند ماہ قبل جیل کے دورہ پر پنکھا آہستہ چلنے پر سپرنٹنڈنٹ ملتان جیل کومعطل کیا تھا،اسی دورے کے بعد وزیراعلی عثمان بزدار نے جیلوں میں قیدیوں کے لئے لگائے گئے پنکھوں کی تفصیلات طلب کی تھیں، جیل حکام نے 12ہزار پنکھوں، جیلوں کی کئی کئی دہائیاں پرانی وائرنگ سمیت دیگر اشیا متعلقہ تبدیل کرنے کے لئے تفصیلات حکومت کو بھجوادیں ۔
جیل حکام کے مطابق بلڈنگ ڈیپارٹمنٹ کی مشاورت کے ساتھ تخمینہ لاگت تیارکیا ہے اور پنکھے اور دیگراشیاکو ٹھیک چلانے کے لئے وائرنگ بھی تبدیل کرنے کی ضرورت ہے،لاہورکی دونوں جیلوں میں سالہا سال پرانی وائرنگ ہے جسکی وجہ وولٹیج پورے نہیں ہوتے۔
جیل حکام کے مطابق لاہور کی دونوں جیلوں کے لئے 9سوپنکھے درکار ہوں گےکیونکہ ضرورت کے تحت پنکھے ہرسال مخیرحضرات کی جانب سے مہیا کئے جاتے تھے جبکہ حکومت کوڈیمانڈ بھجوانے کے اشیا کی فراہمی نہین کی جاتی ہیں، سی اینڈ ڈبلیو بلڈنگ ڈیپارٹمنٹ اورمحکمہ جیل کی جانب سے تیارکردہ تخمینہ 50 کروڑ ہے جسکی سمری بھجوادی گئی ہے۔
